بسم الله الرحمن الرحيم  كيف تدمر أبنك

لكل اب وام وعم وخال وخالة وعمة دى حاجات عشان ابنكم يصبح هالك وتريحوا بالكم 1-لما يجيى يخرج قول دائما بتخرج فى وقت غير مناسب واذا حب يقعد او يساعد قوله خلاص بقى بزعيق. 2-لما يرجع تقوله رجعت يا فالح وكمان دايس بالجزمة على الارض انت مش شايفها نظيفة. 3-لما يقلع الجزمة قول ايه الريحة دى انت مبتفهمش روح حط الشراب فى الغسيل ولما يحاول يقول انه جديد قول بلاش مأوحة. 4-لما يتصل بيه اصحابه قول لصاحبه دة مش فاضى وتكون انت فاضى ويقول لك ذاكر احسن اومال هضيع وقتك ليه وطبعا انت عارف اننا فى الاجازة بس برضه قول له كده لان هيكون اثرها اقوى. 5-لا تبتسم له ابدا وعندما ياتى ضيف قوم بلطف وعامله وعامل الضيوف كويس جدا. 6-لما يشغل التلفزيون قول هات برامج علمية او حاجة تفيدك حتى ولو كان مشغل قناة علمية. 7-دائما افضحه امام الناس مطلع عينى وعامل وعامل. 8-دائما قول للناس مع ان انا كويس جدا معاه لكن مش عارف ليه هوا كده. 9-حسسه انه فاشل وعلة على المجتمع والناس وانه مبيعرفش يفكر ولا تتركه يشتغل عشان يفضل تحت رحمتك. 10-خلى التهديد سمة كلامك زى انت لو ماتعدلتش هرميك زى الجربوع فى الشارع وتختم الكلام يا حيوان. 11-اقرا فى علم النفس وفسره على مزاجك وقول انت يا جحش ويكون فى علم النفس قايل شجعه ويكون فى نظرك ان جحش دى تشجيع لان الجحش صحة و ليه صيت عالى .يا ويلاه! 12-افضل قول له انه معندوش عقل ولا كرامة وان اصحابة احسن منه وانه الصعلوك الكبير فى الحياة. ---يمكن انزل اجزاء تانى ويمكن لاء---- يا كل ولى امر لو ابنك فاشل لاحظ انك انت المسؤل يا عم الباشا يا عم المحترم استشير مختص طبعا هتقول الست ام جعران او الواد فركش دا طالع الاول لا المختص يا جدعان وكمان زى ما بتختار الدكتور اللى هتكشف عنده كويس اختار مستشار يكون درس دة ومتخرج ويكون موثوق فيه لازم نهتم بأولادنا شوية مهما كان عمرهم ونسأل الله ان يعلمنا الخير لا اله الا الله